Өвөрхангай аймгийн төв Арвайхээрт Эрүүл мэндийн төвүүд шинэ байранд үйл ажиллагаагаа явуулах боллоо.

Хамаарах огноо: 2016-08-05 17:05

Өвөрхангай аймгийн төв Арвайхээрт Эрүүл мэндийн төвүүд шинэ байранд үйл ажиллагаагаа явуулах боллоо.

Хүн амын тоогоор улсдаа дээгүүрт бичигдэх болсон Арвайхээр хот албан бус оршин суугчидтайгаа нийлээд 30 000 хол давсан тооны иргэд аж төрж байгаа мэдээ бий. Энэ чинээгээр ч хүн амд анхан шатны эрүүл мэндийн тусламж үйлчилгээ хүргэж байгаа Өрхийн эрүүл мэндийн төвүүдийн ачаалал өндөр байдаг. Иймээс Өрхийн эрүүл мэндийн төвүүдийг шинэ байртай болгох хэрэгцээ шаардлага бий болж байсан. Харин энэхүү асуудлыг 2016 оны эхээр тухайн үеийн засаг дарга Д.Тогтохсүрэн гарц, шийдлийг нь тодорхойлж, санхүүжилтийг нь бүрэн шийдвэрлэж чадсанаар Өрхийн эрүүл мэндийн төвүүд шинэ байрандаа орж эхлээд байна. Арвайхээр суманд шинээр 3 Өрхийн эрүүл мэндийн төвийн барилга ашиглалтанд орж, ойролцоо баг, хороодоор нэгтэн Өрхийн эрүүл мэндийн төвүүд үйл ажиллагаагаа явуулах юм байна. Өнөөдөр 13 000 орчим иргэдэд эмнэлэгийн анхан шатны тусламж үйлчилгээ хүргэх Арвайхээр сумын 3,4,7,8-р багуудын Өрхийн эрүүл мэндийн төвийн шинэ байрны нээлтийн үйл ажиллагаа боллоо. Энэ үеэр "Цааш цаашдаа хүн амын эрүүл мэнд, боловсрол зэрэг суурь хэрэгцээг хүргэх байгууллагуудын байр, тоног төхөөрөмжийн хэрэгцээ, хангамж зэрэгт анхааран ажиллах болно" гэдгээ Улсын Их Хурлын Гишүүн Д.Тогтохсүрэн илэрхийлж байлаа. 

Үүсгэсэн: 2017-01-25 17:05

Сэтгэгдэл ачааллаж байна ..

Мэдээллийг ачааллаж байна ..